Pákistanda lańkestik árekettiń saldarynan 20 adam qaza tapty
ASTANA. Jeltoqsannyń 8-i. QazAqparat - Pákistannyń Lahor qalasynda dúısenbi kúni bolǵan jarylystyń qurbandarynyń sany 20 adamǵa jetti jáne 80-nen astam jaraly tirkelip otyr.
Bul týraly jýrnalısterge qalanyń qutqarý qyzmetinen habarlaǵan. Zardap shekkenderdiń jartysynan astamy - áıelder men balalar.
Keshe keshke Pákistannyń mádenı ortalyǵy - Lahor qalasynda, qalanyń ortalyǵyndaǵy bazarlardyń birinde eki úlken jarylys boldy. Jarylys ekpinimen on shaqty dúken men saýda shatyrlary tolyq qırady. Oqıǵa ornynda úlken órt bolyp, ony órt sóndirýshiler áreń aýyzdyqtady.
Pákistandyq ekstremıst-tálibter el ókimetiniń Aýǵanstanmen shekaralas Ońtústik Ýázirstan aýdanynda júrgizip jatqan lańkestikke qarsy operatsııalary úshin osylaısha kek alýda, dep habarlaıdy ITAR- TASS agenttigi.
