Pákistanda lańkester meshitke shabýyl jasady: 40-tan astam adam qaza tapty
ASTANA. Jeltoqsannyń 5-i. QazAqparat - Juma kúni Pákistannyń Ravalpındı qalasynda bolǵan lańkestik árekettiń saldarynan qaza bolǵandardyń ishinde el armııasynyń eki generaly, sondaı-aq joǵary laýazymdy tórt áskerı qyzmetker bolǵan.
Bul týraly Pákistannyń Qorǵanys mınıstrliginiń resmı ókiline silteme jasap ITAR-TASS agenttigi habarlady.
Pákistannyń serik qalasy - Ravalpındıdegi meshitke jasalǵan shabýyldyń saldarynan barlyǵy 45 adam qaza tapty, taǵy 40-tan astam adam túrli jaraqat aldy. Pákistandyq arnaýly jasaq osynaý shabýylǵa jatysqan ekstremısterdiń kózin joıdy.
Budan buryn habarlanǵandaı, muzdaı qarýlanǵan jeti sodyrdan turatyn ekstremıster toby meshitke juma namazdyń ústinde kirip baryp, adamdarǵa oq jaýdyrǵan. Shabýyl kezinde meshitte myńdaǵan adam bolǵan, olardyń ishinde kóp ofıtserler men olardyń otbasy músheleri bolǵan.
