Pákistanda lańkester kınoteatrdy kórermenderimen qosa jaryp jiberdi
ASTANA. qazAqparat - Pákistannyń soltústik-batysynda oqys oqıǵa oryn aldy. Peshavare qalasynda belgisiz top jergilikti kınoteatrǵa granat jaýdyrtqan. Zal toly kórermen órt qursaýynda qaldy, dep habarlaıdy sheteldik BAQ.
10 adam qaza taýyp, 30-y asa aýyr jaraqat aldy. Shabýyl jasaǵandar jasyrynyp úlgergen. Jartylaı qulaǵan ǵımaratty polıtseıler men áskerıler qorshaýǵa aldy, tergeý amaldary júrip jatyr. Bul lańkestik áreketti ázirge eshqandaı top moınyna alǵan joq. Alaıda bılik ony oıyn-saýyq áýesqoılaryna soǵys jarııalaǵan dinı ekstremıster uıymdastyrdy dep otyr.
