Pákistanda Qurandy órtegen kúdiktini benzın quıyp, jaǵyp jiberdi
ASTANa. 5 shilde. QazAqparat - Pákistanda ereýilge shyqqan bir top adam polıtsııa bólimshesinen Qurandy órtep jibergen kúdiktini kúshpen alyp ketti.
Ol Pendjabtyń pákistandyq bóliginde ornalasqan Bahavalpýr qalasynyń shet aımaǵynda Qurandy órten jiberdi dep aıyptalýda.
Kýágerlerdiń sózine qaraǵanda, bir top adam polıtsııa bólimshesine basa kóktep kirip, «kúdiktiniń» sazaıyn bermek bolǵan. Aıta keteıik, Pákistanda musylmandardyń dinı sezimin qorlaǵany úshin ólim jazasyna kesiletin zań bar. Degemen bul zańnyń qoldanylýy sırek kezdesedi.
Kóp uzamaı polıtsııa bólimshesiniń aldyna ashýǵa býlyqqan myńdaǵan adam jınaldy. «Olar kúdiktini búkil halyqtyń aldynda jazalaýdy talap etti, olaı bolmaǵan jaǵdaıda ony alyp ketip, ózderi óltiretindikterin aıtty», -dedi polıtsııa ınspektory Bı-Bı-Sı-ge bergen suhbatynda.
Polıtsııa adamdardy tynyshtandyrý úshin kóz jasaýratqysh gaz qoldandy. Birneshe polıtseı jaraqattandy.
Adamdar polıtsııa qyzmetkerleriniń jolyn bógep, boljam boıynsha kúdiktini Qurandy órtep jibergen jerge ákelip, ústine benzın quıyp, jaǵyp jibergen.
Adam ólimi boıynsha qylmystyq is qozǵaldy. Ázirge eshkim qamaýǵa alynǵan joq.
