Pákistanda qonaqúıden shyqqan órtten 12 adam qaza taýyp, 110 adam zardap shekti
ASTANA. QazAqparat - Pákistandyq Karachı qalasyndaǵy órtten zardap shekkender sany 110 adamǵa deıin kóbeıdi, 12 adam qaza tapty, dep habarlady Geo TV telearnasy.
Telearnanyń atap ótýinshe, 30 adamnyń jaǵdaıy óte aýyr. Zardap shekkenderdiń sany artýy da múmkin. Al budan buryn 11 adam ajal qushyp, 50-i- jaralanǵany habarlanǵan bolatyn.
Dúısenbi kúni Regent Plaza qonaqúıi otqa orandy. Birinshi qabattaǵy ashanadan shyqqan órt 7 qabatqa deıin kóterilgen.
Zardap shekkenderdiń arasynda úsh sheteldik bar.
Tilsiz jaý aýyzdyqtaldy. Órttiń shyǵý sebepterin anyqtaý jumystary júrgizilip jatyr.
Foto: © FreeImages.com Content License
