Pákistanda QazUÝ-dyń ǵylymı ortalyǵy ashyldy
ASTANA. QazAqparat - Ál-Farabı atyndaǵy QazUÝ Karashı (Pákistan) ýnıversıtetinde birlesken ǵylymı ortalyq-ınnovatsııalyq zertteýler zerthanasyn ashty. Joba Ońtústik elderiniń turaqty damýy úshin ǵylym jáne tehnıka jónindegi komıssııanyń (COMSATS) kómegimen júzege asyryldy. Bul týraly ýnıversıtettiń baspasóz qyzmetine silteme jasap QazAqparat habarlaıdy.
Ortalyqtyń ashylý saltanatynda sóz sóılegen QazUÝ ǵylymı-ınnovatsııalyq qyzmet jónindegi prorektory Tilekqabyl Ramazanov Qarashı ýnıversıtetiniń hımııa ǵylymı-zertteý ınstıtýty men Halyqaralyq hımııa jáne bıologııa ǵylymdary ortalyǵy arasyndaǵy yntymaqtastyq 20 jyl boıy damyp kele jatqanyn atap ótti. Birlesken zertteý jumystary bıoorganıkalyq hımııa, farmakologııa, joǵary molekýlalyq jáne tabıǵı qosylystar hımııasy salasynda júrgizildi. Osy ýaqyt ishinde QR 15 patenti rásimdelip, halyqaralyq ǵylymı jýrnaldarda 70-ten astam maqala jarııalandy. QazUÝ ǵalymdary men stýdentteri turaqty negizde Karashı ýnıversıtetinde taǵylymdamadan ótip, bilim alýda.
«Birlesken ǵylymı ortalyq-zerthananyń ashylýy bizdiń yntymaqtastyǵymyzdy jańa sapaly deńgeıge kóteredi. Mundaı halyqaralyq áriptestik eki el úshin ózekti jobalardy oryndaýǵa jáne álemdik ǵylymı qaýymdastyqqa tıimdi yqpaldasýǵa múmkindik beredi jáne bul ásirese Qazaqstannyń joǵary bilikti jáne básekege qabiletti jas kadrlaryn daıarlaýǵa eleýli úles qosady», - dedi QazUÝ prorektory.
QazUÝ men Karashı ýnıversıteti qol qoıǵan yntymaqtastyq týraly Memorandým ortalyq bazasynda ǵylymı kadrlardy birlesip daıyndaýdy, fıtohımııa, bıomedıtsına, dárilik zattar men ósimdik shıkizaty negizinde ónim óndirý salasyndaǵy zertteý jumystary men jobalaryn ázirleýdi jáne iske asyrýdy kózdeıdi.
QazUÝ - Qazaqstandaǵy COMSATS ústemdiginiń seriktesi jáne ortalyǵy, 2015 jyldan bastap osy halyqaralyq uıymǵa kiretin TMD elderindegi jalǵyz joǵary oqý orny. Jetekshi qazaqstandyq JOO COMSATS múshesi bolyp tabylatyn Azııanyń, Afrıkanyń, latyn jáne Ortalyq Amerıkanyń 25 eliniń tanymal ýnıversıtetterimen jáne ǵylymı-bilim berý ortalyqtarymen yntymaqtastyq ornatqan.
