Pákistanda qar kóshkini 100-den astam áskerı qyzmetkerdi basyp qaldy
ASTANA. 7 sáýir. QazAqparat - Pákistanda Gımalaı taýlarynyń aýmaǵynda qar kóshkini 100-den astam áskerı qyzmetkerdi basyp qaldy.
Bul týraly pákistandyq Tótenshe jaǵdaılar mınıstrliginiń aty atalmaǵan qyzmetkeri taratqan habarlamaǵa silteme jasaı otyryp, Associated Press habarlady.
Oqıǵa pákistandyq jáne úndistandyq áskerılerdiń bazalary ornalasqan Úndistan shekarasyndaǵy Sıachen muzdyǵynda boldy.
Pákistan Tótenshe jaǵdaılar mınıstrliginiń apattyń saldary týraly resmı málimdemesi baspasózde áli shyqqan joq, sondyqtan áskerılerdiń taǵdyry men olardyń naqty sany belgisiz bolyp qalýda. Boljam boıynsha qardyń astynda 100-den 150-ge deıin ákerı qyzmetker bolýy múmkin.
