Pákistanda qar kóshkini 100 adamnyń ómirin qıyp ketti
MÝZAFFARABAD. QazAqparat – Sársenbi kúni polıtseıler men jergilikti turǵyndar Pákistandaǵy Nılým alabynda Dýdneıl aýylynyń mańynan qar úıindisi men qıraǵan úılerdiń astynan qaza tapqandardyń máıitin izdeýdi jalǵastyryp jatyr, dep habarlaıdy QazAqparat gulfnews.com saıtyna silteme jasap.
Іzdeý toby 14 adamnyń denesin tapty. Olar kóshkin saldarynan qalyń qar astynda qalyp qoıǵan. Tabıǵı apat Kashmır aýdanynda bolǵan. Qutqarýshylardyń jumys isteýine aýa raıynyń qolaısyzdyǵy kedergi keltirýde.
Tabıǵı apat qurbandarynyń sany Kashmırde 76 bolsa, jalpy elde – 100 adamǵa jetip otyr, dep habarlady Ulttyq tabıǵı apat basqarmasy.
Nılým alaby aýdany qatty zardap shekti. Ókinishke oraı, sınoptıkterdiń boljamy jaqsy bolmaı tur, óńirde taıaý kúnderi taǵy da aýa raıy nasharlaýy múmkin.
Sársenbi kúni Pákistannyń premer-mınıstri Imran Han Mýzaffarabad qalasynda jatqan zardap shegýshilerdiń jaǵdaıyn bilip qaıtty.
Bılik mektepterdi, eldiń soltústik bóliginde taýly aýdandardaǵy birneshe joldy japty.
Ulttyq tabıǵı apat basqarmasynyń esebine sáıkes, Nılým alabyna gýmanıtarlyq kómek tıelgen úsh tikushaq ushyp ketti.
El bıligi zardap shekken aýdandardyń turǵyndaryn qaýipsiz aımaqqa kóshirý týraly sheshim qabyldady.
Budan buryn Kashmırde syrǵyma men kóshkin saldarynan 62 adamnyń mert bolǵanyn habarlaǵan edik.
