Pákistanda ınflıatsııanyń aılyq kórsetkishi rekordtyq deńgeıge jetti

NUR-SULTAN. QazAqparat – Pákistand Statıstıka bıýrosynyń málimetinshe eldegi ınflıatsııa shildede bir jylmen salystyrǵanda 24,93 paıyzǵa ósti, dep habarlaıdy QazAqparat India Blooms News Service saıtyna silteme jasap.

Eldegi ınflıatsııa sońǵy 14 jyldaǵy eń joǵary deńgeıge jetti. Sońǵy ret 2008 jyldyń qarashasynda baǵalar qarqyndy ósti, ondaǵy tutyný baǵasynyń ındeksi 24,3 paıyzdy qurady. Sodan beri ındeks keıbir erekshelikterdi qospaǵanda, negizinen 15 paıyzdan tómen bolyp qaldy.

Statıstıkalyq málimetter boıynsha, jalpy ınflıatsııanyń kúrt ósý kórsetkishteri mamyrda 13,8 paıyzdy, al maýsymda – 21,3 paıyzdy qurady. Qujatta ınflıatsııanyń joǵary bolýy azyq-túlik jáne azyq-túlik emes taýarlardyń, onyń ishinde ósimdik maıy, kókónis, burshaq daqyldary, bıdaı, kúrish, sút, elektr energııasy aqysy, motor otyny, qurylys materıaldary men avtokólik aksessýarlary baǵasynyń ósýimen baılanysty ekeni aıtylǵan.

Foto: indiablooms.com