Pákistanda fabrıka qırap, júzdegen adam úıindi astynda qaldy
ASTANA. QazAqparat - Pákistanda Lahor qalasy mańyndaǵy fabrıkanyń qıraýy saldarynan keminde 16 adam kóz jumdy, dep habarlaıdy Bı-bı-sı.
100-den astam adam úıindi astynda qaldy.
Qutqarýshylar aýyr tehnıkanyń kómegimen úıindiler astynan shamamen 40 adamdy alyp shyqty. Áskerıler tiri qalǵandardy izdestirý jumystaryn júrgizýde. Ázirge fabrıka ǵımaratynyń buzylýyna ne sebep bolǵany belgisiz. Keıbir boljamdar boıynsha, oǵan Pákistanda saldarynan 270 adam ajal qushqan qazan aıynda bolǵan jer silkinisinen ǵımarattyń konstrýktsııasynyń búlinýi sebep bolǵan.
