Pákistanda ekstremıster jolaýshylar poıyzyna oq jaýdyrdy
ASTANA. 16 tamyz. QazAqparat - Pákistanda Kvettadan Ravalapındı qalasyna ketip bara jatqan jolaýshylar poıyzyna ekstremıster oq jaýdyrdy. Bul týraly Reseıdiń «Jańalyqtar» agenttigi habarlady.
Poıyz Kachı okrýginde shabýylǵa ushyraǵan. Bastapqyda poıyzdy zymyranmen atyp, odan keıin avtomattan oq jaýdyrǵan. Atys saldarynan keminde 3 adam qaza tapsa, taǵy 23 jolaýshy aýyr jaraqat aldy. Qaza tapqandar men zardap shekkenderdiń arasynda áıelder de, balalar da bar. Jaraqattanǵandardyń kópshiliginiń jaǵdaıy óte aýyr.
Poıyzdy kúzetip kele jatqan polıtsııa qyzmetkerleri qarsy oq jaýdyrǵanymen, shabýyl jasaǵandar boı tasalap úlgergen.
