Pákistanda eki lańkestiktiń saldarynan 13 adam mert boldy
ASTANA. Qarashanyń 13-i. QazAqparat - Juma, qarashanyń 13-inde tańerteń, Pákistannyń soltústik-batysynda bolǵan lańkestik saldarynan 13 adam opat boldy, dep habarlaıdy QazAqparat AFP saıtyna silteme jasap.
Alǵashqy jarylys Peshavar qalasynda - pákistandyq vedomstvoaralyq barlaý - (Inter Services Intelligence - ISI) - eldegi eń yqpaldy arnaıy qyzmet úıiniń aldynda boldy. Lańkestik saldarynan 10 adam mert boldy. Buǵan deıin habarlanǵanyndaı, kemi 35 adam jaraqattanǵan. Zardap shekkenderdiń basym kópshiligi - azamattyq tulǵalar.
Barlaý qyzmetiniń úıi tolyq qıraǵan. Naqtylanǵan derekter boıynsha jarylysty lańkes-jankeshti avtomobılmen iske asyrǵan.
Ekinshi jarylys Banný qalasynda - osy attas provıntsııanyń astanasynda oryn aldy. Onda lańkes-jankeshti jarylǵysh qurylǵysyn polıtseılerdiń ýchaskesine jaqyn mańda iske qosqan. Saldarynan úsh polıtseı mert boldy, 12 adam jaraqat aldy.
