Pákistanda eki qazaqstandyqtyń ustalǵany týraly aqparat tekserilýde - QR SІM
ASTANA. QazAqparat - Qazaqstan Respýblıkasynyń Syrtqy ister mınıstrligi Pákistannyń Gýjrat qalasynda vıza tártibin buzǵany úshin qolǵa tústi dep habarlanǵan adamdardyń arasynda eki qazaqstandyqtyń bar-joǵyn resmı túrde tekseredi.
Sheteldik BAQ taratqan derekkózge súıensek, «Tablıg Markazy» (Qazaqstanda tyıym salynǵan «Tablıǵı jamaǵat» radıkaldy dinı qozǵalysy jaqtaýshylarynyń oqý ǵımaraty) semınarııasynda bilim alǵan 24 sheteldiktiń ekeýi - Qazaqstan Respýblıkasynyń azamattary.
«Bul oqıǵaǵa qatysty ázirge resmı aqparat alǵanymyz joq. Dál qazir bul derektiń ras-ótirigin resmı túrde tekserý ústindemiz»,-dedi QazAqparat tilshisine QR SІM baspasóz qyzmetiniń jetekshisi Ánýar Jaınaqov.
