Pákistanda eki avtobýs jol apatyna ushyrap, 13 adam qaza tapty

ISLAMABAD. QazAqparat – Pákistannyń Pendjab provıntsııasynda eki avtobýs apatqa ushyrap, 13 adam qaza tapty jáne birneshe adam zardap shekti, dep habarlaıdy QazAqparat TASS-qa silteme jasap.

Xinhua agenttigi polıtsııaǵa silteme jasap habarlaǵandaı, oqıǵa Rahım-ıAr-Han okrýginde M-5 qalaaralyq magıstralinde bolǵan. Avtobýstyń dońǵalaǵy jarylyp, aýdarylǵan. Onyń artynda kele jatqan ekinshi avtobýs pen jol talǵamaıtyn kólik oǵan soǵylǵan. Zardap shekkender aýrýhanaǵa jetkizildi, olardyń bir bóligi aýyr halde.