Pákistanda eki avtobýs soqtyǵysyp, 12 adam qaza tapty
ISLAMABAD. Sınhýa-QazAqparat – Pákistannyń ońtústiginde ornalasqan Sınd provıntsııasynda jolaýshylar avtobýstarynyń soqtyǵysýy saldarynan 12 adam qaza taýyp, 20-dan astam adam zardap shekti, dep habarlaıdy QazAqparat Sınhýa agenttigine silteme jasap.
Jergilikti BAQ-tyń habarlaýynsha, sársenbide tús shamasynda Sınd provıntsııasynyń Haırpýr okrýgindegi tasjolda eki avtobýs betpe bet soqtyǵysqan. Apat ornyna tez arada polıtsııa men qutqarýshylar keldi. Olar zardap shekkender men mert bolǵandardyń denelerin jaqyn jerdegi aýrýhanaǵa jetkizdi. Qaıtys bolǵandar arasynda áıelder men balalar bar, zardap shekkenderdiń kóbi aýyr jaraqattar alǵan.
Jergilikti polıtsııanyń málimetinshe, aldyn ala zertteý nátıjesine sáıkes apat júrgizýshilerdiń bireýiniń abaısyzdyǵynan bolǵan.
