Pákistanda dáriden ýlanýdan 100-den astam adam kóz jumdy
ASTANA. 28 qańtar. QazAqparat - Pákistannyń Lahor qalasynda sapasyz dári-dármekten ýlaný saldarynan 106 adam kóz jumdy, dep habarlaıdy RosBıznesKonsaltıng «Sınhýa» agenttigine silteme jasap.
Jalpy alǵanda, dárilik preparat jergilikti aýrýhanalar men emhanalardyń 25 myńnan astam emdelýshilerine jazylǵan. Eń bastysy - ol jaǵdaıy tómen emdelýshilerge tegin berilgen, dárini tutynýshylar sanynyń kóptigin osymen túsindirýge bolady.
Bul dárini ishkennen keıin ózderin nashar sezingen adamdar Lahor aýrýhanalaryna shaǵymdarmen kelýlerin jalǵastyrýda.
100-den astam adamnyń qaıtys bolý faktisi boıynsha jergilikti quqyq qorǵaý organdary qylmystyq is qozǵady. Sapasyz farmakologııalyq ónimdi shyǵarýshy kompanııa atalmaıdy, biraq habarlamada onyń tergeý aıaqtalǵansha jabylǵandyǵy aıtylady.
Esterińizge sala keteıik, 2011 jyldyń jeltoqsan aıynyń ortasynda kórshiles Úndistanda 100-den astam adam sapasyz alkogolmen ýlanyp, kóz jumǵan edi. Bul elde mundaı oqıǵa budan buryn da bolyp kelgenikte, birqatar úndi shtattarynda alkogoldi zańsyz taratý jáne shyǵarý úshin ólim jazasy belgilendi.
