Pákistanda burynǵy premer-mınıstr Imran Han ustalǵannan keıin halyq narazylyqqa shyqty
ASTANA. QazAqparat – Pákistanda seısenbi kúni ustalǵan burynǵy premer-mınıstr Imran Hannyń jaqtastary men qaýipsizdik kúshteri arasynda qaqtyǵystar boldy. Narazylyq búkil elge jaıylyp, Belýdjıstan provıntsııasynda keminde bir adam óltirildi, dep habarlaıdy QazAqparat VVS–ge silteme jasaı otyryp.
Juma kúni Іshki ister mınıstrliginiń nusqaýymen elde uıaly baılanys óshirilgen edi. Han sybaılas jemqorlyqqa qatysty aıyptaýlarǵa jaýap berý úshin Islamabad joǵary sotyna kelgen kezinde ustalǵan bolatyn.
Han ózine taǵylǵan aıypty joqqa shyǵaryp otyr. «Ádilettikke qozǵalys» partııasy jarııalaǵan beıneúndeýine ol bárine daıyn ekenin málimdedi.
Byltyr sáýirde bılikten shettetilgeninen beri Hanǵa qarsy júzdegen is qozǵaldy. Oǵan qarsy taǵylǵan aıyptar arasynda jemqorlyq, terrorızm jáne tipti qudaıǵa til tıgizý bar.
