Pákistanda boıjetkendi órteý týraly sheshim qabyldaǵan 15 aqsaqal ustaldy
ASTANA. QazAqparat - Pákistanda 16 jastaǵy qyzdy órtep jiberý týraly sheshim qabyldaǵan bir taıpanyń aqsaqaldar keńesiniń 15 múshesi qamaýǵa alyndy. Qyz Islamabadtan 50 shaqyrym jerdegi Dýnga Galı aýdanyndaǵy aýylda qyz ben jigittiń qashyp ketýine járdemdesken, dep habarlaıdy Reuters agenttigi.
Aqsaqaldarmen birge qyzdyń sheshesi jáne aǵasy qamaldy. Olar jaza berilýdi qoldaǵan ári sonyń oryndalýyn qarap turǵan. Taıpa (jırgı) keńesiniń músheleri qyz óz áreketimen taıpany qarabet qyldy dep sanaǵan.
«Qyzdy aýyldan alys jerde ótken aqsaqaldary keńesine ákelgen. Oǵan esirtki berip esinen tanyp qalǵanda, jastardyń qashýyna paıdalanylǵan shaǵyn avtobýsqa otyrǵyzyp, qol-aıaǵyn baılap, ústine benzın quıyp kólikpen birge órtep jibergen», deıdi aýdannyń polıtsııa basshysy Saıd Vazır.
