Pákistanda birneshe dúrkin lańkestik jasaldy: 25 adam kóz jumyp, 170-ten astamy jaralandy

Musylman-sheıitterdiń sherýi kezinde úsh ret qatarynan jarylys boldy. Polıtsııanyń keltirip otyrǵan málimetteri boıynsha, lańkestikti ońshyl baǵyttaǵy súnnıttik toptardyń jankeshtisi júzege asyrǵan. Ol bildirmeı nópir halyqtyń ortasyna kirip baryp, ózin-ózi jaryp jibergen, dep jazady Vestı. Rý.

Jarylystan keıin de ashý-yzaǵa býlyqqan sherýge qatysýshylar jaqyn mańdaǵy polıtsııa ýchaskesine shabýyl jasap, birneshe mashınany jaǵyp jibergen. Kóshedegi alasurǵan topty tek kózden jas shyǵaratyn gazdyń kómegimen ǵana qýyp taratýǵa múmkindik boldy. Pákistan úkimeti lańkestikti uıymdastyrǵandardy tabýǵa ýáde berdi, dep habarlaıdy "Rossııa 24″ telearnasy.