Pákistanda benzın tasymaldaýshy kólik avtobýspen soqtyǵysyp, 15 adam qaza tapty
NUR-SULTAN. QazAqparat – Pákistannyń batysynda janarmaı tasymaldaýshy kólik apatqa ushyrap, saldarynan 15-ten asa adam qaza tapty, dep habarlaıdy QazAqparat tribune.com-ǵa silteme jasap.
Pákistannyń batysyndaǵy Belýdjıstan provıntsııasynda jolaýshylar avtobýsy men janarmaı tasymaldaıtyn kólik soqtyǵysyp, saldarynan 15-ten asa adam kóz jumǵan. Bul týraly juma kúni The Express Tribune gazetiniń elektrondy nusqasynda habarlandy.
Jergilikti bıliktiń málimeti boıynsha oqıǵa Kılla-Saıfýlla aımaǵyna jaqyn jerde bolǵan. Eki kóliktiń soqtyǵysýy kezinde janarmaı tasymaldaıtyn kóliktegi benzın órtengen. Ekeýi de otqa oranǵan kúıi jyraǵa túsip ketken.
