Pákistanda baqylaý-ótkizý beketinde bolǵan jarylystyń saldarynan 17 adam qaza boldy
ASTANA. 24 naýryz. Pákistanda baqylaý-ótkizý beketinde lańkes-jankeshti jasaǵan jarylystyń saldarynan 17 adam qaza boldy. Oqıǵa Soltústik Ýázirstan provıntsııasyndaǵy Mıranshah qalasynda bolǵan. Qaza bolǵandardyń barlyǵy - áskerı qyzmetkerler, dep habarlaıdy RBK.
«Jarylys baqylaý beketi ǵımaratynyń jartysyn joıyp jiberdi. Jankeshti jarylys qurylǵysyn jasyrý úshin sýǵa arnalǵan bóshkeni paıdalanǵan», - dep málimdeıdi Pákistannyń quqyq qorǵaý organdary qyzmetkerleriniń biri qupııa túrde.
Lańkestik úshin jaýapkershilikti ázirge eshkim moınyna alǵan joq.
Soltústik Ýázirstan - ortalyq úkimetpen dúrdaraz qarym-qatynastaǵy pýshtýn taıpalary baqylaıtyn Pákistan men Aýǵanstan shekarasyndaǵy óńir.
