Pákistanda avtobýs jol apatyna ushyrap, jeti adam qaza tapty
PENDJAB. Sınhýa-QazAqparat – Dúısenbi kúni Pákistannyń soltústik-shyǵysyndaǵy Pendjab provıntsııasynda jolaýshylar avtobýsy estakadadan ushyp ketken. Jol apaty saldarynan jeti adam qaza taýyp, taǵy 28-i jaraqat aldy. Bul týraly QazAqparat Sınhýa agenttigine silteme jasap habarlaıdy.
Eldiń quqyq qorǵaý organdarynyń málimetinshe, avtobýs júrgizýshisi kólikti dóńgelektiń jarylýy sebebimen júrgize almaı qalǵan. Bes adam oqıǵa ornynda kóz jumdy, taǵy ekeýi aýrýhanada qaıtys boldy. Zardap shekkenderdiń barlyǵy aýrýhanaǵa jetkizilgen, keıbireýleriniń jaǵdaıy óte aýyr.
