Pákistanda avtobýs pen júk kóligi soqtyǵysyp, 14 adam qaza tapty
NUR-SULTAN. QazAqparat - Pákistannyń Belýdjıstan provıntsııasynda kólik apatynan 14 adam qaza taýyp, 7 adam jaraqat aldy. Bul jaıly dúısenbi kúni The Express Tribune gazeti habarlady.
Basylym bergen málimetterge súıensek, qaıǵyly oqıǵa shaǵyn avtobýstaǵy tehnıkalyq aqaýlardyń kesirinen bolǵan. Ol Kvettadan Zhob baǵytyna qaraı bara jatqan.
20 jolaýshysy bar avtobýs qarsy kele jatqan júk kóligimen betpe-bet soǵylǵan. Zardap shekkender Kvetta aýrýhanasyna jetkizildi, eki adamnyń jaǵdaıy aýyr.
