Pákistanda avtobýs apaty saldarynan 42 adam mert boldy
ASTANA. QazAqparat - Pákistandaǵy jol-kólik apatynan qaza bolǵandardyń sany 42-ge deıin jetip, 17 adam zardap shekti. Bul týraly jergilikti polıtsııa habarlady.
Búgin tańerteń 27 adamnyń ajal qushqandyǵy jaıynda habarlanǵan bolatyn.
Bul jol-kólik oqıǵasy jeksenbi tańerteń Sýkkýr qalasynan 44 shaqyrym jerde oryn aldy. Dera-Gazı-Han qalasynan baǵyt alǵan avtobýs júk kóligin basyp ozýǵa talpynǵan kórinedi, alaıda onyń nátıjesinde jolaýshylar kóligi osy júk kóligimen soqtyǵysyp, apatqa usharady. Jol-kólik oqıǵasy saldarynan jolaýshylar avtobýstan shyǵa almaı, qamalyp qalǵan. Adamdardy alyp shyǵý úshin oqıǵa ornyna jetken qutqarýshylarǵa avtobýsty bólshektap kesýge týra keldi, dep jazady Rosbalt.
