Pákistanda avtobýs apatqa ushyrady, 13 adam kóz jumǵan
ASTANA. QazAqparat - Pákistannyń soltústik-batysynda avtobýsta gaz ballony jarylyp, 13 adam kóz jumdy. Sondaı-aq alty adam zardap shekken, dep habarlaıdy RIA Novostı.
Avtobýs Karak aımaǵynda toı kólikteriniń qatarynda kele jatqan. Jol jıegine shyǵyp ketken avtobýs jyraǵa qulaıdy, nátıjesinde gaz ballony jarylǵan. Qaza tapqandar arasynda 5 áıel men 5 bala bar. Oqıǵa kezinde avtobýsta bolǵan adamdar sany áli anyqtalyp jatyr.
