Pákistanda aýrýhanada jarylys bolyp, 30 adam qaza tapty
ASTANA. QazAqparat - Pákistannyń Kvetta qalasyndaǵy aýrýhanada jarylys bolyp, 30 adam kóz jumdy, 50-den astam adam jaraqat aldy, dep habarlaıdy RIA Novostı
Jarylys dúısenbi kúni tań ata, Belýdjıstannyń advokattar alqasy Qaýymdastyǵynyń burynǵy prezıdenti Bilál Ánýar Kasıdiń óliminen birneshe saǵat ótken soń bolǵan.
Zańgerdiń denesi aýrýhanaǵa jetkizildi. Medıtsınalyq mekemege marqumnyń áriptesteri, tanystary, jýrnalıster jınalǵanda, aýrýhana jarylǵan. Qaza tapqandar arasynda, pákistandyq Aaj TV telearnasynyń operatory Shahzad Han bar, taǵy bir BAQ qyzmetkeri jaralanǵan.
Polıtsııa málimetteri boıynsha, jarylystan keıin belgisiz bireý oq atqan. Qaýipsizdik qyzmeti aýrýhanany qorshaýǵa aldy, dabyl qaǵyldy.
Foto: © AP Photo/ Arshad Butt
