Pákistanda áskerıler mingen avtobýs apatqa ushyrady
ASTANA. 16 naýryz. QazAqparat - Áskerı qyzmetshiler mingen avtobýs Pákistannyń soltústik-batysynda ornalasqan Haıber-Pahtýnhva provıntsııasyndaǵy Ind ózenine qulady.
Oqıǵanyń saldarynan kem degende 24 adam mert boldy. Bul týraly jergilikti bılik ókilderi habarlady.
Aldyn ala málimetter boıynsha, júrgizýshi qıyn burylysta rýlge ıe bola almaı qaldy, saldarynan quzdan qulady, dep habarlady Ýtro.rý. «Qaza bolǵan 24 adamnyń barlyǵy - pákistandyq áskerı qyzmetshiler, biz qutqarý jumystaryn bastadyq jáne armııadan zardap shekkender men qaza bolǵandardyń denelerin áýe jolymen Ravalpındı qalasyna jetkizýge kómek suradyq», - dedi Kohıstan bıliginiń ókili Akal Badshah.
