Pákistanda áskerı tikushaq apatynan 6 adam qaza tapty

ISLAMABAD. SINЬHÝA – QazAqparat – Pákistannyń ońtústik-batysyndaǵy Belýdjıstan provıntsııasynda áskerı tikushaq qulap, alty adam mert boldy, dep habarlaıdy QazAqparat Sınhýa agenttigine silteme jasap.

Seısenbi kúni jergilikti áskerıler habarlaǵandaı, áýe kemesiniń synyqtary tabylǵan, tiri qalǵandar joq.

Tikushaq sý tasqynynan zardap shekkenderge kómek kórsetý mıssııasyn oryndaýǵa shyqqan. Keıin onymen baılanys joǵalǵan. Borttaǵy alty adam kóz jumdy. Olardyń qatarynda 12-korpýstyń joǵary dárejeli áskerı qolbasshysy general-leıtenant Sarfraz Álı bar.

Aldyn ala málimet boıynsha, apat qolaısyz aýa raıy saldarynan bolǵan.

Pákistannyń premer-mınıstri Shahbaz Sharıf qaza tapqandardyń týystaryna kóńil aıtty.

Pákistannyń tabıǵı apattarymen kúres jónindegi ulttyq basqarmanyń málimetinshe, elde14 maýsymnan beri mýssondyq jańbyr men sý tasqyny saldarynan 502 adam qaza taýyp, taǵy 593 adam zardap shekken.

Foto: trtworld.com