Pákistanda aptap ystyqtan qaza tapqandardyń sany 224-ke jetti
ASTANA. QazAqparat - Pákistannyń Sınd provıntsııasynda aptap ystyqtan kem degende 224 adam qaza tapty, dep jazady Bı-bı-sı.
Bıliktiń habarlaýynsha, qaza tabý oqıǵalarynyń kóbi Karachı qalasynda tirkelgen. Ol jerde aýa temperatýrasy 45 gradýsqa deıin kóterilgen. Ol jerde 200 adam ajal qushqan.
Kóbine egde jastaǵy adamdar aýa raıynyń tosyn qubylysyna shydas bere almaı, ómirimen qoshtasyp jatqan kórinedi. Sondyqtan bılik áskerılerden kómek surap, qala boıynsha ystyqtan japa shekkenderge kómek kórsetetin lagerler qurylmaq.
Jaqyn kúnderi elde kún budan da ysı túsedi degen boljam bar.
