Pákistanda apat saldarynan 13 adam qaza tapty
NUR-SULTAN. QazAqparat - Pákistanda Karachı-Haıdarabad tas jolynda fýrgon aýdarylyp, otqa oranǵan, kem degende 13 adam mert boldy, dep habarlaıdy QazAqparat jergilikti Dawn gazetine silteme jasap.
Apattyń yqtımal sebebi tejegishti kúrt basý. Júrgizýshige fýrgonnyń aldynda kele jatqan kóliktiń kapotty ushyp ketkendikten amalsyz tejegishti basýǵa týra kelgen.
Kólikte kem degende 20 jolaýshy bolǵan, tiri qalǵan jeti adamnyń beseýi aýrýhanaǵa jetkizilgen.
Oqıǵa ornyna polıtsııa qyzmetkerleri, órt sóndirýshiler men dárigerler jetti. Joldyń osy bóligindegi qozǵalys toqtatyldy.
