Pákistanda 8 myńnan astam batpyraýyq órteldi
ASTANA. QazAqparat - Pákistanda kópshilik aldynda 8 myńnan astam batpyraýyq órteldi, ony polıtsııa jergilikti turǵyndardan tárkilegen, óıtkeni jergilikti zań oǵan tyıym salady, dep habarlaıdy Bı-Bı-Sı agenttigi.
Pendjab provıntsııasyndaǵy, elde úlkendigi jaǵynan úshinshi oryndaǵy Feısalabad qalasynda úlken alaýǵa batpyraýyq, ony ushyrýǵa paıdalanylatyn kerme sym jáne plastık jipter laqtyryldy.
Kerme temir batpyraýyq ushyrýshyǵa jáne onyń mańyndaǵylarǵa zalal keltiredi dep sanalady.
Pendjabta kóp jyldan beri batpyraýyq ushyrýǵa tyıym salynǵan. Alaıda jergilikti turǵyndar ony eshkim saqtaı bermeıdi, ásirese kóktemge «Bazant» merekesi qarsańynda tyıym umyt bolady.
