Pákistanda 3 kún qaraly dep jarııalandy
ASTANA. QazAqparat - Pákistandaǵy Peshavar qalasynda lańkester áskerı ýchılışege shabýyl jasady.
Sońǵy málimetter boıynsha, lańkesterdiń qolynan 126 adam qaza tapqan, onyń júzden astamy - balalar. Sondaı-aq birneshe oqýshy iz-túzsiz joǵalyp ketken. Qaza tapqandar sany budan da kóp bolýy múmkin, dep jazady sheteldik BAQ.
Lańkestik áreketke baılanysty Pákistanda 3 kún qaraly dep jarııalandy. Osyǵan deıin habarlaǵandaı, Pákistandaǵy Peshavar qalasynda jergilikti ýaqyt boıynsha saǵat 10 shamasynda kem degende alty qarýly adam áskerı ýchılışeniń kýrsanttaryn tutqynǵa alǵan bolatyn.
