Pákistanda 200-den astam medrese jabyldy
ASTANA. QazAqparat - Pákistanda lańkestikke qarsy kúres jandanyp, 200-den astam medrese jabylyp qaldy. Budan basqa, bılik 211 dinı mekteptiń esep-shotyn bekitip tastaǵan, dep habarlady 24.kz.
Olardyń jalpy somasy - 50 myń AQSh dollary. Qarjy dinı bilim beretin oqý oryndarynyń 32-sine shet memleketterden túsip otyrǵan. Pákistan Іshki ister mınıstrliginiń aqparaty boıynsha, bul medreseler tıisti memlekettik tirkeýden ótpegen. Ortalyq bank barlyq kommertsııalyq bankterge qara tizimge engen dinı mektepterdiń esep-shottaryn jabýǵa nusqaý berdi.
