Pákistanda 150-ge jýyq adam tirideı janyp ketti
ASTANA. QazAqparat - Pákistannyń shyǵysynda benzın tasymaldaýshy kóliktiń aýdarylýy saldarynan qaza bolǵandar sany 148 adamǵa jetti. Bul týraly jergilikti apattyq-qutqarý qyzmetiniń ókiline silteme jasap Assoshıeıted Press habarlady.
Buǵan deıin 140 adamnyń ajal qushyp, 49-ynyń zardap shekkeni týraly aıtylǵan bolatyn.
Órt jeksenbi kúni tańerteń Pendjab provıntsııasynda boldy. Jergilikti turǵyndar trassaǵa tógilgen janarmaıdy jınaý úshin aýdarylǵan kóliktiń janyna jınalǵan. Oqıǵaǵa kýá bolǵandardyń aıtýynsha, olardyń keıbiri shylym shegip turǵan, ottyń tutanýyna osy sebep bolýy múmkin. Ondaǵan avtokólik, sonyń ishinde 75 mototsıkl men tórt mashına jalyn qursaýynda qaldy. Tilsiz jaý aýyzdyqtaldy.
Mert bolǵandardyń deniniń aty-jónin DNQ saraptamasynan keıin ǵana anyqtaý múmkin bolady.
Pákistan basshylyǵy Pendjabta adamdardyń ólimin ulttyq tragedııa dep atady. Ózge el prezıdentteri qaza bolǵandardyń otbasylary men el bıligine qaıǵyryp kóńil aıtýda.
