Pákistan tarıhynda iri bank tonaý oqıǵasy boldy
ASTANA. Jeltoqsannyń 15-i. QazAqparat - Pákistannyń Karachı qalasynda Allied Bank bankiniń fılıalyna qaraqshylyq shabýyl jasaldy,
dep habarlaıdy QazAqparat BBC News saıtyna silteme jasap.
Qylmyskerler 311 mıllıon rýpıı (3,7 mıllıonǵa jýyq dollar) - Pákistandaǵy bankterden buǵan deıin urlanǵan eń iri soma áketken.
Qylmyskerler beseý, olardyń ishinde fılıal kúzetshisi de bolǵan. Kúzetshiniń aty-jóni - Shahıd Mehmýd. Bankke shabýyl jeksenbi kúni tańerteń, Mehmýd aýysymǵa túsken kezinde jasalǵan.
Ol bank bólimshesin eki áriptesimen birge kúzetýi tıis bolatyn, alaıda ol jumysqa erte kelgen jáne túngi kúzetshilerdi aýystyryp, bankte jalǵyz qalǵan. Odan keıin ol bankke óziniń tórt sybaılasyn kirgizedi. Aýysymǵa kelgen Mehmýdtyń áriptesterin qylmyskerler baılap tastaıdy.
Banktiń tonalǵany týraly polıtseılerge baılaýdan bosaǵan kúzetshiler habarlaǵan. Tonaýshylardy izdeý ázirge nátıje bergen joq.
