Pákistan tarıhynda áıel adam tuńǵysh ret qazy bolyp taǵaıyndaldy
ASTANA. 1 qańtar. QazAqparat - Qurylǵanyna 33 jyl ótken Pákistan ulttyq sharıǵat sotynyń tarıhynda tuńǵysh ret aq jaýlyqtydan Ashraf Jean esimdi 56 jastaǵy áıel adam qazy bolyp taǵaıyndaldy, dep jazady muslim.kz.
«Áıel adamnyń sharıǵat sotyna qazy bolyp taǵaıyndalýyna oraı keshe ótken ant qabyldaý rásimi, shynymen, tarıhı oqıǵa boldy»,- dedi Pákistannyń federaldy sharıǵat sotynyń bas qazysy Aǵa Rafık Ahmet. «Konstıtýtsııada áıel adamnyń sharıǵat sotynyń qazysy bolyp qyzmet isteýine tyıym salynbaǵan. Buǵan qosa, erler men áıelderdiń arasynda qandaı da bir teńsizdik bolǵan emes»,- dep málimdedi ol sóziniń sońynda.
