Pákistan soty Áýlıe Valentın kúnin toılaýǵa tyıym saldy
ASTANA. QazAqparat - Islamabadtyń Joǵarǵy soty Pákistan aýmaǵynda Áýlıe Valentın kúnin toılaýǵa tyıym saldy, dep habarlaıdy RIA Novostı Express Tribune gazetine silteme jasap.
Basylymnyń deregine súıensek, bul úkim musylman dástúrine saı emestigin aıtyp, oǵan tyıym salýdy suraǵan avtorlardyń petıtsııasyn qaraǵannan keıin shyqqan. Bılik BAQ ókilderine atalmysh merekeni jarnamalaýǵa tyıym saldy.
Katolıktik jáne protestanttyq din ustanýshylar jyl saıyn 14 aqpan - Áýlıe Valentın kúnin Ǵashyqtar merekesi retinde toılaıdy.
Qazaqstanda jastar arasynda Ǵashyqtar kúni 15 sáýirde - Qozy Kórpesh-Baıan Sulý kúni dep atalyp ótiledi.
Foto: © AP Photo/ Anjum Naveed
