Pákistan premer-mınıstri tutqyndalatyn boldy
ASTANA. 16 qańtar. QazAqparat - Pákistan joǵarǵy soty premer-mınıstr Radja Pervez Ashraf pen taǵy 15 adamdy energetıkalyq jobalardaǵy sybaılas jemqorlyq isine qatysy bar degen kúdikpen tutqyndaýǵa order berdi.
Quqyq qorǵaý oryndary order boıynsha premer men 15 adamdy 24 saǵat ishinde tutqyndaýy tıis.
Ashraf premerlik qyzmetke deıin sý jáne energetıka mınıstri bolǵan edi. Ol mınıstr bolǵan kezinde - 2010 jyly elektr energııasyn óndirý jobasyn maquldaǵany úshin para alǵanyn joqqa shyǵarǵan.
Premerdiń keńesshisi Favad Chaýdhrı sottyń orderin "konstıtýtsııaǵa qaıshy" dep synady.
Pákistandaǵy musylmandardyń basty dinı jetekshisi Muhammad Tahır-ýl-Qadrı men onyń myńdaǵan jaqtastary Islamabadta narazylyq tanytyp, úkimettiń otstavkaǵa ketýin talap etip tur, dep habarlaıdy «Azattyq».
