Pákistan poıyzyndaǵy órt: Qaza bolǵandar sany 73-ke jetti
ISLAMABAD. ARR-QazAqparat – Búgin tańerteń Pákistanda Karachıden Ravalpındıge bara jatqan júrdek poıyzda tutanǵan órtten mert bolǵandar sany 73-ke jetti, dep habarlaıdy QazAqparat APP-ǵa silteme jasap.
Buǵan deıin apat qurbandary alpystan asqanyn habarlaǵan edik.
Órt jolaýshylar ózderine tańǵy as ázirlep jatqan kezde gaz ballonynyń jarylýynan shyqqan. Jalyn ekonom-sanattaǵy eki vagondy jáne bıznes-sanattaǵy bir vagondy sharpyǵan.
Eldiń temirjol kóligi mınıstri Sheıh Rashıd Ahmedtiń málimdeýinshe, qazir órt sóndirilgen.
Onyń aıtýynsha, qurbandardyń kóbi - tilsiz jaýdan qutylý úshin poıyzdan sekirip qaza tapqandar.
