Pákistan polıtsııasy er kisi men áıeldi kóshemen tyrdaı jalańash júrip ótýge májbúrlegeni úshin jumystan qýyldy
ASTANA. 5 tamyz. QazAqparat - Pákistanda birneshe polıtseı ustalǵan áıel men erkekti tyrdaı jalańash kóshemen júrgizip ótkeni úshin jumystarynan qýyldy.
Polıtseıler ustaǵan áıel áli de pákistandyq túrmede otyr.
Kýágerlerdiń aıtýynsha, Gamba qalasynyń polıtsııa qyzmetkerleri eldiń ońtústiginde er adam men áıeldi nekesiz jynystyq qatynasqa túskeni úshin olardy polıtsııa ýchaskesine deıin tyrdaı jalańash barýǵa májbúrlegen. Osylaısha, olardy jazalaǵan.
Uıaly telefonǵa túsirilgen vıdeoda quqyq saqshylary er kisini uryp-soǵyp jatqany, al áıel oǵan kıinýge ruqsat berýdi ótinip jatqany anyq kórinýde.
Týyndaǵan daý-damaı men qoǵamnyń narazylyǵynan keıin bılik polıtsııa qyzmetkerlerin mindetterinen bosatýǵa sheshim qabyldady.
