Pákistan polıtseıleri 10 jastaǵy qyzdy kúıeýge bermek bolǵan aýyl aqsaqaldaryn tutqyndady
ASTANA. QazAqparat - Pákistandyq polıtsııa 10 jastaǵy qyz ben 14 jastaǵy jetkinshektiń úılený toıyna kedergi keltirdi. Eki balanyń januıasy osylaısha óz aralarynda týyndaǵan óshpendilikti baspaq boldy.
Pendjab provıntsııasyndaǵy aýyldyń aqsaqaldary qalyńdyqtyń aǵasyna óz áıelin opasyzdyq jasady degen kúdikpen óltirdi degen aıyp taǵylǵan soń osyndaı sheshim qabyldaǵan.
Ol qamaýǵa alynyp, túrmege otyrǵyzyldy.
Bul máselege qanyq jandardyń aıtýynsha, ádette týysy jasaǵan qylmysty óteýi úshin januıadaǵy qyz bala zardap shekken jaqqa kúıeýge shyǵýy tıis. Alaıda elde buǵan resmı túrde tyıym salynǵan. Biraq jer-jerde mundaı oqıǵalar oryn alyp jatady.
Polıtsııanyń habarlaýynsha, osy iske baılanysty aýyldyń tórt qarııasy qamaýǵa alyndy.
Toı juma kúni bolýy tıis edi, alaıda quqyq qorǵaý organdary kelip, kedergi keltirdi. Taǵy jıyrmaǵa jýyq kúdikti izdestirilýde, Dep habarlaıdy Bı-bı-sı.
