Pákistan National Geographic muqabasyna jarııalanǵan sýretimen tanymal aýǵan áıelin bosatatyn boldy
ASTANA. QazAqparat - Pákistannyń ishki ister mınıstrligi 12 jasynda National Geographic jýrnalynda sýreti jarııalanyp, álemge tanymal bolǵan Sharbat Gýla esimdi aýǵan áıelin bosatatyn boldy, dep habarlaıdy Bı-bı-sı.
Eske sala keteıik, ol ótken aptada tutqyndalǵan bolatyn. Bılik oǵan jalǵan qujatpen el aýmaǵynda turyp jatyr degen aıyp taqqan edi. Áıel bolsa, bul aıyppen kelispeıdi, tipten joqqa shyǵarady.
Mınıstr Chaýdrı Nısar bundaı qadamǵa gýmanıstik kózqaras turǵysynan baryp otyrǵandaryn, alaıda istiń bunymen toqtalmaıtynyn, sebebi oǵan birneshe sheneýniktiń qatysy bar bolýy múmkin ekendigin aıtady.
