PÁKІSTAN: Lahordaǵy jarylys qurbandarynyń 30-ǵa jýyǵy - balalar
ASTANA. QazAqparat - Pákistannyń Lahor qalasynda jankeshtiniń óz-ózin jaryp jiberýi saldarynan qaza tapqandar sany 70-ke jetti, sonyń 29-y - balalar, dep habarlaıdy jergilikti BAQ.
Polıtsııa komıssarynyń orynbasary Mohammad Ýsman buǵan deıin jaraqat alǵan adamdardyń sany 190-nan asqanyn málimdegen.
Jarylys jeksenbi kúni tańerteń, qala ortalyǵyndaǵy Gúlshan-ı-Ikbal saıabaǵynyń janyndaǵy kólik turaǵynyń qasynda, oıyn alańynan birneshe metr jerde boldy.
Bul jerde Pasha merekesin toılaý úshin búkil otbasymen jınalǵan jergilikti hrıstıandar kóp bolǵan.
