Pákistan «Google»-di jappaq
ASTANA. 13 maýsym. QazAqparat - Pákistan bıligi Google korporatsııasynyń barlyq qyzmet túrlerine tyıym salýdy kózdep otyr. El bıliginiń mundaı qadamǵa barýyna YouTube beıneportalynyń kontenti sebep bolǵanyn aıta ketý kerek. Ǵalamtor alqabynyń ókilderi buǵan qatysty ázirge ún qatqan joq. Bul jaıynda «Infox.ru» habar taratty.
Pákistannyń jańa taǵaıyndalǵan aqparattyq tehnologııa mınıstri Anýsh Rahman Hannyń málimdeýinshe, YouTube-te qısynsyz ári anaıy beınejazbalar órip júr. «Joǵary laýazymdy tulǵanyń aıtýynsha, mundaı beınejazbalar alynyp tastalmasa, Pákistan aýmaǵynda Google-diń barlyq jobalaryna tyıym salynatyn bolady»,-dep jazady muslim.kz.
Bir aıta keterligi, Pákistan tarapy YouTube kontentiniń sapasyna birinshi ret syn aıtyp otyrǵan joq. Ótken jyldyń qyrkúıek aıynda álemdi dúrliktirgen «Musylman páktigi» atty daýǵa qalǵan fılmge baılanysty atalmysh beıneportalǵa tyıym salynǵan edi. Al 2008 jyly Pákistan bıligi musylmandardy jónsiz qaralaıtyn beınejazbalar kóptep kezdesetindikten YouTube-ke el aýmaǵynda tyıym salmaq bolǵanyn aıta ketý kerek.
