Pákistan bıligi úndi kınolaryn kórsetýge salynǵan tyıymdy alyp tastady
ASTANA. QazAqparat - Pákistan bıligi eldiń kınoteatrlarynda tıym salynǵan úndi kınosyn qaıta kórsetetin bolady. Bul týraly sársenbi kúni The Guardian habarlady.
«Federaldyq úkimet Pákistan kınoteatrlarynda barlyq halyqaralyq fılmderdi kórsetip, ashyq saıasatty júzege asyratyndyǵy úshin qýanyshty», - dep aıtylady Pákistannyń aqparat mınıstrliginiń málimdemesinde.
Buryn osyndaı qadamdy memlekettiń premer-mınıstri Navaz Sharıf qoldaǵan bolatyn. Tıymdy alyp tastaý týraly sheshim kúshine endi.
Úndi kınosyn kórsetýge 2016 jyldyń qyrkúıek aıynda tyıym salynǵan. Bul Úndistan men Pákistan shekarasyn belgileýge jáne Kashmır aýmaǵyn bólisýge qatysty shıelenis saldarynan týyndady.
