Pákistan bazarynda jarylys boldy
ASTANA. QazAqparat - Pákistan bazarynda jarylys bolyp, eki adam qaza tapty dep habarlaıdy «QazAqparat» HAA Dunya News telearnasyna silteme jasap.
Pákistannyń batysynda ornalasqan Pandjgýr qalasyndaǵy bazarlardyń birinde bolǵan jarylys saldarynan eki adam qaza taýyp, jeti adam jaraqat alǵan. Telearna málimetine súıensek, jarylys qala ishindegi Chatkan bazarynda boldy. Qoldan jasalǵan jarylǵysh qurylǵy mototsıklge ornatylǵan. Tótenshe jaǵdaı saldarynan mototsıkldiń mańynda ornalasqan birneshe kólikter qıraǵan.
Oqıǵa ornyna kelgen quqyq qorǵaý organdarynyń qyzmetkerleri aýmaqty qorshaýǵa aldy. Tergeý amaldary júrgizilip jatyr.
