Pákistan armııasy áýeden soqqy jasap, 15 sodyrdyń kózin joıdy
ASTANA. QazAqparat - Aýǵanstanmen shekaraǵa taqaý Tırah alqabynda áýeden soqqy jasaý nátıjesinde keminde 15 ıslamshyl sodyrdyń kózi joıyldy, dep habarlady VVS Pákistan áskerı qolbasshylyǵyna silteme jasap.
Sonymen qatar Pákistan áskerıleriniń málimdeýinshe, reıd barysynda qarý-jaraq jasyrynǵan ondaǵan ura tabylyp, joıylǵan. Sodyrlardyń ornalasqan jerine áýeden shabýyl jasaý «Talıban» qozǵalysy Karachı jasalǵan shabýyldy moıyndaryna alǵannan keıingi kúni oryn aldy. Esterińizge sala keteıik, sodyrlardyń áýejaıǵa shabýyly saldarynan 30-ǵa jýyq adam mert bolǵan edi. Al óltirilgen sodyrlardan raketalyq qondyrǵy men birneshe avtomattar tárkilendi. Olar júkti áýe jolymen tasymaldaý jáne VIP-reıs úshin paıdalanylatyn ushaqjaı men áýejaıdyń eski termınalyn basyp almaqshy bolǵan.
