Pak Kyn He ımpıchmenti: Koreıa men Qazaqstan qatynasyna áseri qandaı
ASTANA. QazAqparat - Ońtústik Koreıadaǵy Qazaqstannyń Tótenshe jáne Ókiletti Elshisi Dýlat Baqyshev prezıdent Pak Kyn Hege ımpıchment protsesi kezeńinde eki eldiń ózara qarym-qatynasyna túsinik berdi, dep habarlaıdy QazAqparat.
«Koreı Respýblıkasynyń prezıdentine ımpıchment ekijaqty qatynastarǵa eshqandaı da áser etpeıdi, sebebi qazirgi kezde eldiń premer-mınıstri prezıdenttiń mindetterin oryndap jatyr. Jaqyn arada saılaý ótedi jáne jańa komanda bolady. Ońtústik Koreıa syrtqy ister mınıstrligi Qazaqstanmen, sondaı-aq barsha álemmen baılanystarda eshqandaı problema bolmaıtynyna sendirdi»,-dedi Baqyshev.
Budan buryn habarlanǵandaı , Ońtústik Koreıanyń Konstıtýtsııalyq soty prezıdent Pak Kyn Hege jarııalanǵan ımpıchmentti maquldady. Osylaısha, 10 naýryz onyń memleket basshysy retindegi sońǵy kúni boldy. Zańǵa sáıkes, merzimnen tys jańa prezıdenttik saılaý 60 kún ishinde ótýi tıis, kúntizbelik esep boıynsha, saılaý shamamen 9 mamyrda bolady.
Bul daýly iske prezıdenttiń jaqyn qurbysy Tsoı Sýn Sıldi sebepshi boldy. Tsoı saıası yqpaldy paıdalanyp, iri koreıalyq kompanııalarǵa qysym jasap, alymdar jınaǵan, sondaı-aq ol tıesili qorlar esepshottaryna aqsha aýdarýǵa májbúrledi dep aıyptalýda. Tergeý nusqasyna qaraǵanda, Pak qurbysynyń astyrtyn áreketterinen habardar bolǵan.
