Pajero júrgizýshisiniń densaýlyǵy kúrt nasharlap jol apatyna ushyrady
ALMATY. QazAqparat - Almaty Pajero júrgizýshisi kólik tizginen aırylyp qalyp, jol apatyna ushyrady, dep habarlaıdy QazAqparat tilshisi.
Oqıǵaǵa kýá bolǵandardardyń aıtýynsha, kólik júrgizýshisiniń densaýlyǵy kúrt nasharlap ketken. Sonyń saldarynan ol rólge ıe bola almaı qalǵan.
«Pajero kóligi soltústik aınalma jolymen soltústikke, ıaǵnı tómen qaraı baǵytpen kele jatqan. Aıaq astynan densaýlyǵy nasharlaǵan júrgizýshi qarama-qarsy betke shyǵyp ketedi. Sonyń kesirinen qarsy kele jatqan Nissan men Hundai kólikterine soǵylǵan»,- dedi kýá bolǵan adamdar.
Qazir Nissan júrgizýshisi jedel járdemmen aýrýhanaǵa jetkizildi. Al Pajero júrgizýshisiniń jaǵdaıy birqalypty. Ol qazir oqıǵa ornynda.
Jol apatynyń mán jaıyn polıtsııa qyzmetkerleri tekserip jatyr.
