Padelden Azııa kýbogy: Qazaqstandyq jastar alǵash ret úzdik úshtikke ilikti
ASTANA. KAZINFORM — Djakarta qalasynda (Indonezııa) padelden jasóspirimder arasynda Azııa kýbogy ótip, onda 17 ulttyq qurama ókilderi baq synady.
Bul osyndaı deńgeıdegi ekinshi jarys edi. Bastapqy týrnır 2024 jyly Bahreınde ótken edi.
Qazaqstandyq qurama dodaǵa alǵash ret qatysqanyna qaramastan, joǵary deńgeıden kórine bildi. Azııa kýbogy barysynda Qazaqstan quramasy Qatar, BAÁ, Malaızııa, Oman jáne Lıvan komandalaryn qapy qaldyrdy.
Qazaqstandyqtar jarystyń bolashaq fınalısteri Iran men Kýveıtke qana ese jiberdi.
Úshinshi oryn úshin básekede ulttyq qurama jeńiske degen jigerin tanytyp, Saýd Arabııasyn 2:1 esebimen jeńdi.
Iran chempıon atansa, Kýveıt kúmis júldeni qanaǵat tutty.
Qazaqstan ulttyq padel federatsııasynyń prezıdenti Arslan Abylǵazın jastar quramasynyń tabysyn atap ótip, bapkerler shtabyna alǵys aıtty.
- Bul – qazaqstandyq padel úshin tarıhı oqıǵa. Jasóspirimderimizdiń Azııa kýbogynda tuńǵysh ret óner kórsetip, birden qola júlde jeńip alýy – úlken nátıje. Bul bizdiń sport túriniń bolashaǵy bar ekenin, talantty jastar ósip kele jatqanyn kórsetedi, - dedi A.Abylǵazın.
Eske sala keteıik, budan buryn padelden Azııa kýbogynda Qazaqstan jasóspirimder quramasynyń úsh kezdesýin jeńispen aıaqtaǵanyn jazǵan edik.